Qhov Khoos Kas Family Engagement & Community Partnerships
Saint Paul Public Schools (SPPS) muaj ib lub hom phiaj uas meej thiab tseem ceeb heev: txhawb kom cov me nyuam kawm ntawv txawj xav tob, caum lawv txoj kev npau suav thiab pab hloov lub ntiaj teb kom zoo dua qub.
Qhov no yuav tsum muaj kev koom tes thiab kev txhawb nqa los ntawm peb cov tsev neeg, cov koom haum uas koom tes nrog peb, lub zej zog, thiab txhua tus uas muaj feem nrog SPPS. Peb xav kom sawv daws muaj txoj hau kev los koom tes nrog SPPS ntau ntxiv, kom peb thiaj li pab tau txhua tus me nyuam kawm ntawv hauv SPPS kawm tau zoo.
Yog xav paub ntxiv, thov tiv tauj chav Office of Family Engagement & Community Partnerships ntawm family.engagement@spps.org.
Cov Kev Uas Nej Koom Tes Tau
SPPS Txoj Kev Npaj Rau Kev Koom Tes Nrog Cov Tsev Neeg Thoob Plaws Hauv Koog Tsev Kawm Ntawv
Ib yam li thaum yuav xa neeg mus saum nruab ntug, yuav tsum muaj cov kws tsim kho, cov kws lej, thiab cov kws tshawb fawb txog physics sib koom tes thiaj li xa tau cov astronauts mus txog saum nruab ntug; cov tsev neeg, tsev kawm ntawv, thiab lub zej zog los kuj yuav tsum sib koom tes thiaj li pab tau cov me nyuam txoj kev kawm kom mus tau zoo. Hauv txoj kev npaj no, SPPS tau tsim ntau txoj hau kev rau peb cov neeg ua hauj lwm los koom tes nrog cov tsev neeg thiab tsim kev sib raug zoo kom ruaj khov, kom pab tau lawv cov me nyuam kawm tau zoo.
Yog nej qhib tsis tau daim ntawv no saib, nej mus thau tau daim ntawv hauv qab no los saib los tau.