Lub Tswv Yim Npaj Rau Xyoo 2026–2033
Saint Paul Public Schools (SPPS) tab tom pib siv koog tsev kawm ntawv lub Tswv Yim Npaj Tshiab Rau Xyoo 2026–2033. Lub tswv yim no yuav coj SPPS txoj kev ua hauj lwm, qhia tias peb yuav tsom ntsoov rau tej hauj lwm twg ua ntej, thiab yuav siv nyiaj txiag thiab tej kev pab uas peb muaj li cas rau ntau xyoo tom ntej no.
Cov neeg hauv zej zog tau muaj lub sij hawm tuaj tawm suab thiab pab tswv yim txij lub 2 Hli mus txog lub 5 Hli xyoo 2026. SPPS tau muab lub tswv yim uas tab tom npaj coj mus nthuav qhia rau Pawg Tsav Xwm Kev Kawm Ntawv thaum lub 7 Hli tim 14, 2026. Pawg Tsav Xwm Kev Kawm Ntawv tau pom zoo siv lub tswv yim uas npaj tiav lawm rau lub rooj sib tham thaum lub 8 Hli tim 18.
MUS NYEEM TXOG QHOV STRATEGIC PLAN
Thaum peb tab tom npaj lub tswv yim no, peb kuj yuav tshuaj xyuas peb cov tsev kawm ntawv thiab tej vaj tse uas koog tsev kawm ntawv muaj. Qhov kev tshuaj xyuas no yuav pab SPPS npaj rau yav tom ntej kom peb cov tsev kawm ntawv thiab tej vaj tse ntawd haum rau cov khoos kas kawm uas peb muaj thiab tus naj npawb ntawm peb cov me nyuam kawm ntawv. Yog xav paub ntxiv, mus saib ntawm phab uas qhia txog Kev Tshuaj Xyuas SPPS Cov Tsev Kawm Ntawv, Tej Vaj Tse, thiab Kev Siv Tej Chaw uas peb muaj.
Tej Yam Uas Peb Yuav Tsum Tsom Ntsoov Rau thiab Cov Ntsiab Lus Tseem Ceeb Ntawm Cov Hauj Lwm Ntawd
Thaum lub Tsib Hlis mus txog lub Kaum Hli xyoo 2025, Tuam Thawj Xib Fwb Stacie Stanley tau siv sij hawm los mloog, saib, thiab tshuaj xyuas cov ntaub ntawv kom nkag siab zoo txog yam uas ua rau SPPS txawv thiab ua tau zoo, nrog rau tej yam uas peb yuav tsum tau kho kom zoo dua qub. Tej yam yuav muab los tham ua ntej thiab cov ntsiab lus tseem ceeb hauv qab no yog los ntawm tej kev sib tham, sib txoos, thiab sib koom tes nrog tsoom zej zog.
Kev Qhia Ntawv Zoo
Txhua tus tub ntxhais kawm ntawv tau txais kev qhia ntawv uas zoo tsim nyog heev, qhia meej rau fab ntaub ntawv thiab haum raws li fab kab lij kev cai uas txhawb kom lawv loj hlob tau sai thiab tshem tawm cov kis kev kawm tau uas kwv yees tau ntawd.
- Kev Txo Qhov Sib Txawv ntawm Kev Ua Tau Zoo thiab Kev Kawm Sai
- Kho cov tsev kawm ntawv kom zoo zuj zus ntxiv
- Kev nyeem kom tau ntawv cuag ncua thiab zoo
Kev Xam Txhua Tus
Txhua lub tsev kawm ntawv thiab txhua fab hauj lwm yuav tsim kom muaj ib qho chaw uas txhua tus me nyuam kawm ntawv, cov neeg ua hauj lwm, thiab cov tsev neeg tau txais kev saib taus, pom tias luag xam muaj lawv thiab lawv yog ib feem ntawm qhov chaw ntawd, thiab tau txais txhua yam kev pab uas lawv xav tau.
- Kev Tshuaj Xyuas Txog Kev Qhuab Qhia thiab Kev Xam Txhua Tus
- Kev sib txuas lus nrog tsev neeg thiab tus qauv siv ncauj lus
- Kho kom cov khoos kas kawm ntawv tshwj xeeb zoo ntxiv
- Kev Nrhiav thiab Ceev Cov Neeg Ua Hauj Lwm
Kev Npaj thiab Saib Xyuas Tej Vaj Tse thiab Kev Pab Cuam Kom Siv Tau Mus Ntev
Peb yuav rau siab npaj thiab siv peb tej nyiaj txiag, vaj tse, thiab lwm yam kev pab uas peb muaj kom tsim nyog, kom cov khoos kas thiab tej vaj tse uas peb muaj pab tau raws li cov tub ntxhais kawm ntawv, cov tsev neeg, thiab cov neeg ua hauj lwm xav tau tam sim no thiab rau yav tom ntej.
- Kev Tshaj Tawm Txog Tsev Kawm Ntawv thiab Pab Kom Muaj Tub Ntxhais Kawm Ntawv Tuaj Kawm Coob Ntxiv
- Kev Tshawb Fawb Txog Cov Chaw Ua Hauj Lwm
- Tus qauv ntsuam xyuas cov kev pab uas muab faib niaj hnub no
Lub Sij Hawm Tsim Txoj Kev Npaj (Lub Kaum Ob Hlis 2025-Lub Yim Hli 2026)
Lub Kaum Ob Hlis
- Nthuav qhia rau Pawg Tsav Xwm Kev Kawm Ntawv txog txoj kev yuav tsim Txoj Kev Npaj Tswv Yim
Lub Ib Hlis
- Pib tsim thiab npaj Txoj Kev Npaj Tswv Yim
- Tsim ib pab Advisory Task Force los pab muab tswv yim
Lub Ob Hlis
- Pab neeg tawm tswv yim pib ua hauj lwm
- Kev sib tham txog kev koom tes rau cov neeg ua haujlwm thiab zej zog
Lub Peb Hlis
- Cov rooj sib tham ntawm Pawg Neeg Pab Tswv Yim
- Sau thiab txheeb xyuas cov tswv yim uas tau txais
- Cov Pab Pawg Ua Haujlwm Tsim Txoj Kev Npaj Sib Sau Ua Ke
Lub Plaub Hlis
- Cov tswv yim uas cov Pab Pawg Ua Haujlwm pom zoo
- Pawg Neeg Saib Xyuas Kev Pab Tswv Yim tshuaj xyuas cov tswv yim
Tsib Hlis-Rau Hli
- Kev sib tham txog kev koom tes nrog cov tub ntxhais kawm thiab cov zej zog
- Cov tswv yim uas Pawg Neeg Thawj Coj Saib Xyuas Kev Ua Haujlwm Saib Xyuas Kev Ua Haujlwm tau tshuaj xyuas
- Kev sau daim phiaj xwm
Lub Xya Hli
- Daim phiaj xwm qhia rau Pawg Neeg Saib Xyuas Kev Kawm
- Nthuav qhia txog cov kev npaj uas yuav muab coj los siv
Lub Yim Hli
- Daim phiaj xwm kawg tau muab rau Pawg Neeg Saib Xyuas Kev Kawm kom pom zoo