Kev Npaj Tswv Yim Rau Xyoo 2026-2033
Xees Phos Tsoom Fwv Tsev Kawm Ntawv tab tom pib ua txoj hauj lwm tseem ceeb uas yog los tsim ib co tswv yim tshiab rau yav tom ntej. Txoj kev npaj no yuav pab qhia peb tias yam twg yog qhov tseem ceeb, peb yuav nqis peev li cas, thiab peb yuav tsom ntsoov rau yam twg mus rau ntau xyoo tom ntej.
Peb yuav pib muaj ntau txoj hau kev rau tsoom zej zog tuaj koom tes thiab pab tswv yim pib thaum lub Ob Hlis xyoo 2026 mus, thiab yuav muaj txuas ntxiv mus txog rau thaum xyoo kawm ntawv xaus. Nias lub thawv hauv qab no mus koom tes.
Cib Fim Rau Tsoom Zej Zog Tuaj Koom Tes
Nyob rau qhov kev npaj tswv yim no, peb los kuj yuav ua ib qho kev tshuaj xyuas txog ntawm peb cov vaj tse thiab tsev kawm ntawv, thiab tsim kev npaj rau ntau xyoo tom ntej kom peb tej vaj tse thiab tsev kawm ntawv haum raws li peb cov khoos kas thiab qhov coob thiab tsawg ntawm peb cov tub ntxhais kawm ntawv tom ntej. Rov qab tuaj saib dua thaum lub Plaub Hlis 2026 kom paub ntxiv.
Tej Yam Uas Yuav Muab Los Tham Ua Ntej thiab Cov Ntsiab Lus Tseem Ceeb
Thaum lub Tsib Hlis mus txog lub Kaum Hli xyoo 2025, Tuam Thawj Xib Fwb Stacie Stanley tau siv sij hawm los mloog, saib, thiab tshuaj xyuas cov ntaub ntawv kom nkag siab zoo txog yam uas ua rau SPPS txawv thiab ua tau zoo, nrog rau tej yam uas peb yuav tsum tau kho kom zoo dua qub. Tej yam yuav muab los tham ua ntej thiab cov ntsiab lus tseem ceeb hauv qab no yog los ntawm tej kev sib tham, sib txoos, thiab sib koom tes nrog tsoom zej zog.
Kev Qhia Ntawv Zoo
Npaj kom muaj cov ntawv zoo, thiab haum kev lis kev cai los qhia kom tub ntxhais kawm tau ntawv
- Kev Txo Qhov Sib Txawv ntawm Kev Ua Tau Zoo thiab Kev Kawm Sai
- Kho cov tsev kawm ntawv kom zoo zuj zus ntxiv
- Kev nyeem kom tau ntawv cuag ncua thiab zoo
Kev Koom Tes Ua Ke
Tsim cov tsev kawm ntawv kom txhua tus tub ntxhais kawm thiab neeg ua hauj lwm muaj nqis tib yam, muaj kev sib raug zoo thiab muaj kev txhawb rau txhua yam
- Kev Tshuaj Xyuas Txog Kev Qhuab Qhia thiab Kev Koom Ua Ib Ke
- Kev sib txuas lus nrog tsev neeg thiab tus qauv siv ncauj lus
- Kho kom cov khoos kas kawm ntawv tshwj xeeb zoo ntxiv
- Kev Khaws Cov Neeg Ua Haujlwm thiab Kev Nrhiav Neeg Ua Haujlwm
Tsim Kom Muaj Kev Sib Txig Sib Luag
Ntsuam xyuas kev faib nyiaj rau cov tsev kawm ntawv, neeg ua hauj lwm thiab khoos kas kom sib txig sib luag
- Tus qauv ntsuam xyuas cov kev pab uas muab faib niaj hnub no
- Ntsuam xyuas cov tsev kawm ntawv kom muaj kev ncaj ncees & npaj kev txhim kho mus ntev tom ntej
- Kev Lag Luam thiab Kev Rov Qab Tau Txais Cov Npe Kawm
Lub Sijhawm (Lub Kaum Ob Hlis 2025-Lub Yim Hli 2026)
Lub Kaum Ob Hlis
- Cov txheej txheem tam sim no rau kev tsim cov phiaj xwm tseem ceeb rau Pawg Neeg Saib Xyuas Kev Kawm
Lub Ib Hlis
- Pib txoj kev npaj tswv yim tshiab
- Tsim ib pab Advisory Task Force los pab muab tswv yim
Lub Ob Hlis
- Pab neeg tawm tswv yim pib ua hauj lwm
- Kev sib tham txog kev koom tes rau cov neeg ua haujlwm thiab zej zog
Lub Peb Hlis
- Cov rooj sib tham ntawm Pawg Neeg Pab Tswv Yim
- Sau thiab txheeb xyuas cov tswv yim uas tau txais
- Cov Pab Pawg Ua Haujlwm Tsim Txoj Kev Npaj Sib Sau Ua Ke
Lub Plaub Hlis
- Cov tswv yim uas cov Pab Pawg Ua Haujlwm pom zoo
- Pawg Neeg Saib Xyuas Kev Pab Tswv Yim tshuaj xyuas cov tswv yim
Tsib Hlis-Rau Hli
- Kev sib tham txog kev koom tes nrog cov tub ntxhais kawm thiab cov zej zog
- Cov tswv yim uas Pawg Neeg Thawj Coj Saib Xyuas Kev Ua Haujlwm Saib Xyuas Kev Ua Haujlwm tau tshuaj xyuas
- Kev sau daim phiaj xwm
Lub Xya Hli
- Daim phiaj xwm qhia rau Pawg Neeg Saib Xyuas Kev Kawm
- Nthuav qhia txog cov kev npaj uas yuav muab coj los siv
Lub Yim Hli
- Daim phiaj xwm kawg tau muab rau Pawg Neeg Saib Xyuas Kev Kawm kom pom zoo