Hla lub ntsiab ntsiab lus

Toggle kaw container

Triggers Container

Toggle Tsev Kawm Ntawv Canvas

Toggle Site Info Canvas

Mobile Translate

Txawb main Nav

Mobile Utility

Header Holder

Header txoj cai Column

Header txoj cai saum toj kawg nkaus

Toggle Tsev Kawm Ntawv Canvas

Toggle Site Info Canvas

Aaskiv

Hlauv taws xob Nav - Desktop

Header txoj cai bottom

Toggle nrhiav Canvas

Toggle Canvas Menu

Canvas Menus

Koog Tsev Kawm Ntawv Canvas Menu

nrhiav

Tsev Kawm Ntawv & Kev Pab Cuam

Site Info Canvas

Nrhiav Canvas

Horizontal Nav

breadcrumb

Tej Yam Muaj Tam Sim No

Nyeem txog tej uas peb cov tub ntxhais kawm ntawv, cov neeg ua hauj lwm thiab peb lub zej zog ua tau zoo kom nej paub txog tej yam tshiab uas tab tom tshwm sim nyob rau hauv SPPS.

Ib tug tub hluas luag ntxhi kaj siab lug hauv chav kawm ntawv muaj yeeb yuj.

Thov caw nej tuaj koom SPPS lub rooj nthuav qhia txog kev xaiv tsev kawm ntawv rau cov me nyuam kawm qib PreK txog qib 12 rau hnub Saturday, lub 12 Hlis tim 12, thaum 9:30 teev sawv ntxov txog 2:00 teev tav su nyob rau ntawm Saint Paul RiverCentre. Lub rooj nthuav qhia no yog ib lub cib fim zoo rau cov tsev neeg uas tab tom yuav teev npe kawm ntawv rau lawv cov me nyuam rau xyoo kawm ntawv 2027–28 tuaj ntsib cov neeg ua hauj lwm thiab nrog lawv tham kom paub ntxiv txog peb cov tsev kawm ntawv, cov khoos kas thiab cov kev pab cuam. Yog xav paub ntxiv, mus saib ntawm spps.org/apply .

Daim Ntawv Thov Kev Pabcuam Kev Kawm

Tshuav tshaj 8,000 tus tub ntxhais kawm ntawv uas tseem tsis tau ua daim ntawv thov kev pab rau kev kawm rau xyoo no. Txawm tias txhua tus tub ntxhais kawm ntawv uas tuaj kawm tim tsev kawm ntawv tau noj tshais thiab noj sus dawb los, cov tsev neeg yuav tsum ua daim ntawv thov no txhua xyoo, kom cov tsev kawm ntawv tau txais cov nyiaj pab tseem ceeb, cov tsev neeg tau txais kev pab thiab cov tub ntxhais kawm ntawv muaj cib fim tau txais lwm yam kev pab. Thov mus ua daim ntawv thov no online ntawm schoolcafe.com/spps .

lub thawv khoom ua si

Project REACH tab tom nrhiav cov khoom ua si thiab khoom plig tshiab rau cov me nyuam uas muaj hnub nyoog txij thaum yug mus txog 18 xyoo. Cov khoom plig no yog yuav muab rau cov tsev neeg hauv SPPS uas tsis muaj vaj tse nyob. Nej nqa tau cov khoom plig uas tseem tsis tau muab qhwv tuaj tso rau ntawm 1021 Marion Street los sis mus yuav cov khoom uas Project REACH xav tau hauv online . Peb yuav txais cov khoom txij li tam sim no mus txog rau thaum lub 12 Hlis tim 14.

Tub ntxhais kawm ntawv xeem

Niam txiv thiab cov neeg saib xyuas muaj peev xwm mus saib tau lawv cov me nyuam cov qhab nia hauv Infinite Campus Parent. Tam sim no muaj cov tub ntxhais kawm hauv theem qis cov qhab nia thaum lub caij nplooj zeeg hauv Campus Parent lawm. Cov tsev neeg uas muaj me nyuam kawm hauv theem nrab thiab theem siab muaj peev xwm mus saib tau lawv cov me nyuam cov qhab nia thaum cov xib fwb muab tso rau hauv Campus Parent thoob plaws txhua lub quarter. Thov nej saib zaj video luv luv qhia txog kev saib qhab nia rau cov tub ntxhais kawm qib K–5 thiab 6-12. Yog xav tau kev pab ntxiv txog kev siv Campus Parent, thov mus saib hauv spps.org/families .

AIMS-Powwow

Peb thov caw nej sawv daws tuaj koom lub koob tsheej powwow thaum lub 11 Hlis tim 13 ntawm American Indian Magnet School, uas yog ua kev zoo siab rau Lub Hli Nco Txog Cov Neeg Qhab Asmesliskas Tej Keeb Kwm thiab Kab Lis Kev Cai. Peb kuj xav kom cov tub ntxhais kawm ntawv tuaj koom Rock Your Mocs Week rau lub lim tiam ntawm lub 11 Hlis tim 9, uas yuav muaj cov hnub hnav khaub ncaws raws li cov ntsiab lus tau teem tseg rau lub lim tiam ntawd thiab. Yog xav paub ntxiv txog keeb kwm thiab kab lis kev cai ntawm cov Neeg Qhab Asmesliskas, thov mus saib ntawm nativeamericanheritagemonth.gov.

Ib Tug Tub Ntxhais Kawm Ntawv Uas Tab Tom Xeem

Txhua xyoo thaum lub caij nplooj zeeg, Minnesota Lub Tuam Tsev Saib Xyuas Kev Kawm Ntawv (Minnesota Department of Education) yuav muab cov qhab nia xeem uas cov tub ntxhais kawm ntawv tau xeem rau xyoo kawm ntawv dhau los qhia rau sawv daws paub. Nej yuav muaj peev xwm mus saib nej tus me nyuam daim ntawv qhia txog nws cov qhab nia xeem tus MCA/MTAS/Alternate MCA thiab WIDA ACCESS/WIDA Alternate ACCESS (Individual Student Reports los sis ISRs) hauv Infinite Campus Parent thaum lub 11 Hlis nyuam qhuav pib. Yog nej xav tau daim ntawv luam, nej muaj peev xwm thov tau ntawm nej tus me nyuam lub tsev kawm ntawv. Yog xav paub ntxiv txog cov kev xeem ntawv thoob plaws lub xeev Minnesota, thov mus saib SPPS lub website qhia txog kev xeem ntawv. Yog nej xav tau kev pab siv Campus Parent, mus saib ntawm spps.org/families .

Kev sib ntsib ntawm pab pawg neeg hla teb chaws Highland Girls

Peb los sij nrog zoo siab rau SPPS cov tub ntxhais kawm ntawv uas muaj feem mus koom kev sib tw khiav cross country nrog cov tub ntxhais kawm ntawv thoob plaws lub xeev no! Pab tub thiab pab ntxhais hauv Highland Park puav leej muaj feem mus koom kev sib tw hauv lub xeev. Pab tub hauv Como Park thiab qee tus ntxhais hauv Central, Como thiab Humboldt los kuj yuav mus sib tw thiab. Thov txhawb SPPS cov tub ntxhais kawm ntawv!

Cov menyuam yaus ua si nrog LEGO robots ntawm lub rooj dawb nyob rau pem hauv ntej ntawm phab ntsa xiav thiab ntsuab.

Tsis ntev los no, Heart of America, 3M thiab Saint Paul Promise tau koom tes hloov ib chav kawm hauv Maxfield Elementary los ua ib chav Makerspace STEAM Lab uas yog ib chav tshwj xeeb rau cov me nyuam kawm thiab tsim ntau yam. Hauv chav no, cov me nyuam yuav tau muab lawv tej tswv yim los tsim ua tej yam uas lawv pom tau, kov tau thiab sim tau. Txog tam sim no, Heart of America twb tau hloov tej chaw hauv SPPS cov tsev kawm ntawv tshaj 12 lub kom zoo dua qub lawm.

Caum Peb Hauv Social