Cov Tsev Neeg

Saint Paul Public Schools siv Finalsite Mass Notifications los sib txuas lus nrog cov tsev neeg thaum muaj xwm txheej ceev, suav nrog huab cua hnyav, uas yuav cuam tshuam rau hnub kawm ntawv. Cov ntaub ntawv tiv tauj rau Mass Notifications yog synced nrog lub koog tsev kawm ntawv lub kaw lus qhia txog tub ntxhais kawm, Infinite Campus.

SPPS siv ntau txoj kev los qhia rau cov tsev neeg, cov neeg ua hauj lwm thiab lub zej zog paub txog kev kaw tsev kawm ntawv thiab muab tej yam muaj ua ncua rau lwm lub sij hawm xws li hauv spps.org, cov chaw tshaj xov hauv zos, social media, thiab kev sib txuas lus los ntawm email, sau ntawv hauv xov tooj los thiab hu xov tooj.

• Cov tsev neeg yuav tsum xyuas kom lawv tej kev tiv tauj yog cov tam sim no hauv Campus Niam Txiv.

Ntxiv rau kev ceeb toom thaum muaj xwm ceev, nej yuav tau txais ntaub ntawv los ntawm koog tsev kawm ntawv, nej lub tsev kawm ntawv thiab nej tus me nyuam cov xib fwb hauv email, robocall thiab/los sis ntawv xov xwm. SPPS ua hauj lwm nrog ntau lub chaw muab kev pab cuam uas yuav xa ntawv ncaj qha los rau nej hauv email. Cov chaw no muaj xws li Peachjar, Smore, Schoology, Securly Home, Seesaw thiab Xello. Nej tuaj yeem xaiv tsis kam txais cov ntawv ceeb toom no thaum twg los tau.

Kev Sib Txuas Lus Txog Kev Muab Qhab Nia Rau Cov Kawm Hauv Theem Ob (Qib 6–12)

Koog tsev kawm ntawv yuav xa xov los qhia txog kev muab qhab nia rau cov tsev neeg raws li nram qab no. Yog muaj tej yam uas tsev kawm ntawv xav qhia ntxiv los sis pom tias yuav tsum muaj kev pab ntxiv, lawv kuj yuav xa xov los ntxiv. Txhua tsev neeg yuav tsum saib xyuas kom lawv tus email tseem yog tus tam sim no nyob rau hauv Campus Parent Portal, thiaj li tsis plam tej xov tseem ceeb los ntawm tsev kawm ntawv.

• Txhua lub lim tiam, sau email los qhia rau nej txog nej tus me nyuam cov qhab nia, kev kawm los sis tej yam uas muaj ua, thiab tej hauj lwm uas tseem tsis tau ua hauv Schoology. Cov tsev neeg muaj cai xaiv tau hnub thiab lub sij hawm uas lawv xav txais cov email no, los sis hais kom tsis txhob xa tuaj los tau. Kawm ntxiv kom paub txog kev siv Schoology rau cov tsev neeg .
• Email los sis ntaus ntawv hauv xov tooj xa los thaum txog lub quarter nrab thiab thaum lub quarter xaus, kom cov niam txiv nco ntsoov mus saib cov qhab nia hauv Infinite Campus. Cov qhab nia hauv Infinite Campus yuav tsum thooj li cov hauv Schoology.
• Email mus qhia rau cov niam txiv paub li ob lub lim tiam ua ntej lub quarter yuav xaus yog tias lawv tus me nyuam tau txais tus qhab nia “D” los sis “N”.

Yog tias nej twb xaiv qhov kom tsev kawm ntawv tsis txhob xa ntawv los rau nej lawm, no ces nej muaj peev xwm ua tau raws li nram no:

• Siv tus xov tooj uas nej tau hais kom tsev kawm ntawv tsis txhob xa xov los rau nej ntawd hu rau tus Finalsite Phone Hotline ntawm “855-502-STOP (855-502-7867).”
• Siv tus xov tooj uas nej tau hais kom tsev kawm ntawv tsis txhob xa tej xov uas tsis yog xwm ceev los, es ntaus los lus “START” xa mus rau 60680, kom tau txais cov lus uas tsis yog xwm ceev. Teb START rau “54968" kom tau txais cov lus ceeb toom thaum muaj xwm ceev.