Kev pab niam txiv qhia me nyuam siv technology
Txhua tus me nyuam kawm ntawv yuav tau ib lub iPad los siv pab rau lawv txoj kev kawm. Cov me nyuam kawm hauv theem qis cov iPad yuav cia nyob hauv chav kawm xwb. Tsuas yog thaum muaj tej lub sij hawm uas yuav tsum tau siv tom tsev, xws li hnub nyob hauv tsev kawm online (e-learning), thiaj yuav muab rau lawv nqa mus tsev xwb. Cov me nyuam kawm hauv theem nrab thiab theem siab yuav nqa lawv cov iPad nrog lawv thaum lawv hloov ib chav kawm mus rau ib chav, thiab yuav nqa mus tsev mus ua lawv cov hauj lwm los yog homework tom tsev.
Cov tsev neeg thiab cov neeg ua hauj lwm tau qhia tias lawv muaj kev txhawj xeeb txog qhov uas cov me nyuam kawm ntawv siv cuab yeej technology thiab saib screen ntau dhau, uas yuav cuam tshuam rau lawv txoj kev xav thiab kev sib raug zoo nrog lwm tus. Lawv kuj xav kom cov me nyuam kawm ntawv muaj txoj hau kev kawm los ntawm kev nqis tes ua thiab xyaum kiag ntawm tes ntxiv mus, tsis yog siv technology los kawm xwb:
- Tsev kawm ntawv txwv tsis pub cov me nyuam kawm qib PreK txog qib 5 siv YouTube hauv lawv cov iPad lawm. Xyoo no, SPPS mam li rov los tshuaj xyuas seb puas tsim nyog hloov cov kev txwv rau cov me nyuam kawm hauv theem nrab thiab theem siab txoj kev siv YouTube.
- SPPS kuj tau ntxiv tej kev tiv thaiv thiab kev txwv rau cov tub ntxhais kawm ntawv cov iPad kom pab tiv thaiv lawv, kom lawv muaj kev nyab xeeb, thiab kom lawv rau siab rau lawv txoj kev kawm.
- SPPS kuj tau muab cov lus qhia rau cov xib fwb tias yuav siv technology hauv chav kawm thaum twg thiab siv li cas kom tsim nyog, thiab kom muab tej lus qhia no coj los siv ua ib qho tseem ceeb hauv txoj kev qhia ntawv.
Yog muaj lus nug los sis kev txhawj xeeb txog nej tus me nyuam lub iPad, thov hu rau nej lub tsev kawm ntawv.
Kev qhia siv iPad thaum nyob hauv tsev
Teeb kev cai kom meej tias nej tus me nyuam yuav siv iPad li cas thaum nyob hauv tsev
- Ua qauv zoo rau nej tus me nyuam pom txog kev siv technology kom tsim nyog. Cov neeg laus yuav tsum txo lub sij hawm siv los saib xov tooj, iPad, thiab lwm yam twj technology, tshwj xeeb tshaj yog thaum noj mov thiab thaum yuav mus pw.
- Hais kom nej tus me nyuam yuav tsum ua nws cov hauj lwm kawm ntawv kom tiav UA NTEJ mam li siv iPad rau lwm yam.
- Saib xyuas nej tus me nyuam lub iPad thiab nws cov hauj lwm kawm ntawv tsis tu ncua kom nej paub tias nws kawm dab tsi.
- Kom nej tus me nyuam siv iPad rau tej chaw hauv tsev uas sawv daws nyob ua ke, xws li chav ua noj los sis chav nyob.
- Kom nej paub thiab saib xyuas tau thaum nej tus me nyuam siv lub iPad, thaum tsaus ntuj, muab lub iPad coj mus sam roj rau lwm qhov chaw, tsis txhob muab tso rau hauv nej tus me nyuam chav pw.
- Yog nej tus me nyuam tsis ua raws li tej cai uas nej tau teem tseg rau nws txog kev siv iPad, nej muaj cai txwv lub sij hawm uas pub nws siv thiab txwv seb nws siv tau ntau npaum li cas xwb.
- Tsim ib txoj kev npaj los sisFamily Media Plan rau nej tsev neeg tias yuav siv xov tooj, iPad, computer thiab lwm yam technology thaum twg thiab siv li cas, kom pab tau nej cov me nyuam xyaum siv technology kom tsim nyog.
- Yog xav paub tswv yim ntxiv txog kev siv iPad, thov mus saib ntawm Common Sense Media.
Kev tswj txoj kev siv internet thaum nyob hauv tsev
Txawm cov tub ntxhais kawm ntawv yuav siv SPPS lub iPad tom tsev kawm ntawv los sis tom tsev, los yeej muaj kev lim tej website thiab tej yam hauv internet los thaiv tej uas tsis tsim nyog rau cov me nyuam kawm ntawv saib. Tej website thiab tej yam uas yog tsim rau cov neeg laus saib xwb, nrog rau tej social media xws li Facebook, Instagram, Snapchat, TikTok, thiab lwm yam, los kuj raug thaiv thiab.
Tej website AI xws li ChatGPT, Grok, Perplexity, thiab lwm yam kuj raug thaiv tsis pub cov me nyuam kawm ntawv siv. Tiam sis, cov me nyuam kawm qib 9–12 muaj peev xwm siv tau Google Gemini hauv lawv tus SPPS Google Apps account.
Cov tsev neeg siv tau qhov app hu ua Securly Home app los saib thiab tswj me nyuam txoj kev siv iPad thaum nyob hauv tsev. Qhov app no muaj ntau yam uas nej siv tau los pab tswj kev siv iPad. Tej uas cov tsev neeg siv ntau muaj xws li:
- Teem sij hawm hmo ntuj tias thaum twg yuav tsum txhob siv iPad
- Kaw kev siv internet ntawm nej tus me nyuam lub iPad li ib chim los ib tsam tej.
- Txwv los sis thaiv kev nkag mus rau Youtube los sis lwm lub website
- Txwv los sis thaiv kev nkag mus rau Google Gemini
Kev Pab Rau Technology
![Infinite Campus]([{"url":"https://resources.finalsite.net/images/f_auto,q_auto,t_image_size_1/v1781621344/sppsorg/ffhx8jgpcuby4otewc1s/Campus-Parent.png","width":256},{"url":"https://resources.finalsite.net/images/f_auto,q_auto/v1781621344/sppsorg/ffhx8jgpcuby4otewc1s/Campus-Parent.png","width":338}])
Kho nej cov kev tiv tauj kom yog cov uas nej siv tam sim no, thiab saib cov hnub uas nej tus me nyuam tuaj kawm ntawv thiab qhaj ntawv, nws cov sij hawm kawm ntawv, kev caij tsheb npav, thiab cov qhab nia.
![iPad icon]([{"url":"https://resources.finalsite.net/images/f_auto,q_auto/v1699591653/sppsorg/ug2juvqw4dwqwz3satnv/ipadapp_lime.png","width":150}])
Cov lus qhia los pab daws tej teeb meem uas nquag ntsib thaum siv iPad, xws li kev nkag mus siv cov app thiab teeb browser kom haum raws li qhov xav tau.
![Schoology]([{"url":"https://resources.finalsite.net/images/f_auto,q_auto/v1730485881/sppsorg/yqj24ovqp0sxoufpwiuq/Schoology.png","width":250}])
Siv Schoology los saib nej tus me nyuam cov qhab nia thiab tej ntawv uas nws yuav tsum tau ua. Nej kuj teem tau kom xa email tuaj rau nej txhua lub lim tiam qhia seb tej ntawv twg nws twb ua tiav lawm thiab tej ntawv twg nws tseem tsis tau ua los sis xa.
![Kev ruaj ntseg]([{"url":"https://resources.finalsite.net/images/f_auto,q_auto/v1699755138/sppsorg/zttziri7ydyftdqvumag/Securlyicon.png","width":200}])
Securly Home yog ib qho app dawb uas cov tsev neeg siv tau los tswj me nyuam lub iPad uas tsev kawm ntawv muab rau nws siv thaum nyob hauv tsev. Nej muab internet kaw tau li ib chim los ib tsam tej, thaiv tej website uas nej tsis xav kom nej tus me nyuam mus saib, los sis teem tau lub sij hawm uas tsis pub nws siv internet.
![Seesaw]([{"url":"https://resources.finalsite.net/images/f_auto,q_auto/v1730485495/sppsorg/lzdbbvjfqeqy70bj6kjt/Seesaw.png","width":250}])
Cov tsev neeg siv tau Seesaw los saib cov zaj lus qhia thiab tej dej num uas me nyuam ua online. Nug nej tus me nyuam tus xib fwb kom muab chav kawm tus QR code rau nej, nej thiaj mus saib tau nej tus me nyuam tej dej num thiab tej uas muab tso rau hauv Seesaw.
![iPad icon]([{"url":"https://resources.finalsite.net/images/f_auto,q_auto,t_image_size_1/v1699591173/sppsorg/iikons3usqnisazyxw2v/info_blue.png","width":256},{"url":"https://resources.finalsite.net/images/f_auto,q_auto/v1699591173/sppsorg/iikons3usqnisazyxw2v/info_blue.png","width":300}])
Txawm tias lub iPad yog ib yam twj uas pab tau me nyuam txoj kev kawm ntau los, tseem ceeb heev uas cov tsev neeg yuav tsum teeb tej cai thiab kev txwv tias me nyuam yuav siv lub iPad li cas thiab siv tau thaum twg hauv tsev. Raws li nej yog niam txiv los sis tus saib xyuas, nej yog tus txiav txim tias yuav pub nej tus me nyuam siv iPad ntau npaum li cas thaum nyob hauv tsev.
Tej yam tseem ceeb uas cov tsev neeg yuav tau nco txog kev siv technology thiab internet kom muaj kev nyab xeeb
Qhov ua kom peb cov me nyuam kawm ntawv muaj kev nyab xeeb, tsis hais thaum lawv nyob hauv tsev kawm ntawv los sis thaum lawv siv technology thiab internet, yog ib qho tseem ceeb tshaj plaws rau SPPS. Vim technology pheej hloov thiab muaj tej yam tshiab tshwm sim tas li, peb koog tsev kawm ntawv kuj yuav tau hloov thiab nrhiav kev los pab tiv thaiv kom cov me nyuam siv tau technology thiab internet yam nyab xeeb lug. Cov lus hauv qab no yuav qhia txog tej kev tiv thaiv uas tam sim no SPPS twb teeb tseg rau cov me nyuam kawm ntawv cov iPad lawm, nrog rau tej uas peb cov neeg ua hauj lwm ua los pab saib xyuas kom cov me nyuam muaj kev nyab xeeb thaum lawv siv internet.
- Kev tiv thaiv cov me nyuam kawm ntawv cov iPad thiab lawv tej ntaub ntawv kom nyab xeeb
- Securly Home: Saib seb me nyuam siv iPad ntau npaum li cas thiab tswj seb yuav pub siv li cas
- Kev tiv thaiv me nyuam tej ntaub ntawv thiab kev saib seb lawv siv technology li cas thiab nyob qhov twg
- Lwm yam settings uas cov tsev neeg siv tau los tswj me nyuam lub iPad
Kev tiv thaiv cov me nyuam kawm ntawv cov iPad thiab lawv tej ntaub ntawv kom nyab xeeb
Securly Home: Saib seb me nyuam siv iPad ntau npaum li cas thiab tswj seb yuav pub siv li cas
Kev tiv thaiv me nyuam tej ntaub ntawv thiab kev saib seb lawv siv technology li cas thiab nyob qhov twg
Lwm yam settings uas cov tsev neeg siv tau los tswj me nyuam lub iPad
Artificial Intelligence (AI)
Cov vev xaib AI xws li Chat GPT, OpenAI, Grok, Gemini, Claude, thiab lwm yam raug thaiv txhua lub sijhawm ntawm cov tub ntxhais kawm iPads. Google Gemini (version kev kawm) muaj rau cov tub ntxhais kawm qib 9-12 ua ib feem ntawm SPPS Google Apps cov cuab yeej. Txhua tus tub ntxhais kawm theem nrab tau txais cov lus qhia txog kev siv AI kom raug thiab ncaj ncees. Txhua tus xib fwb theem nrab muaj kev nkag mus rau lub cuab yeej hu ua TurnItIn, uas kuaj xyuas cov tub ntxhais kawm txoj haujlwm rau kev siv AI. Mus saib SPPS lub vev xaib Artificial Intelligence kom paub ntau ntxiv txog seb cov neeg ua haujlwm thiab cov tub ntxhais kawm tau txais kev qhia txog AI li cas.
Kev kawm kom paub siv technology thiab internet kom nyab xeeb thiab tsim nyog
Kev Ua Neeg Nyob Hauv Digital yog qhov yuav tsum muaj rau Saint Paul Public Schools Txhua tus tub ntxhais kawm PreK-12 ua tiav cov kev kawm txog Kev Ua Neej Nyob Hauv Digital, Kev Nyab Xeeb Hauv Online / Kev Ceev Ntaub Ntiag Tug, Kev Coj Tus Kheej Hauv Online thiab Kev Ua Phem Hauv Cyber hauv chav kawm txhua lub caij nplooj zeeg. Cov xib fwb rov xyuas cov kev kawm nrog cov tub ntxhais kawm tsis tu ncua thoob plaws hauv ib xyoos. Kev piav qhia txog zaj lus qhia txog Kev Ua Neej Nyob Hauv Digital
Kev Nkag Internet Hauv Tsev
Txhim khu kev qha hauv internet yog ib qho tseem ceeb heev uas yuav tau mus ua hauj lwm sab nraum lub chav kawm ntawv thiab nyob rau hauv cov kev tshwm sim ntawm e-learning los yog inclement huab cua tsev kawm ntawv kaw. SPPS yog ua phem rau muab internet connectivity txhawb kev xaiv rau cov me nyuam kawm ntawv thiab tsev neeg xav tau. Nyob hauv internet connectivity txhawb muaj xws li:
- Ib tug txwv kom muaj nuj nqis ntawm Comcast Internet Essentials codes muaj rau cov tsev neeg tsim nyog. Lub Comcast Internet Essentials program yog qhov najnpawb thiab feem ntau txhim khu kev qha rau tsev neeg xav tau hauv internet connectivity. Thov tiv tauj koj tus menyuam lub tsev kawm ntawv kom paub ntau ntxiv.
- Rau cov tub ntxhais kawm thiab cov tsev neeg uas tsis muaj tsev nyob, muaj cov chaw siv mobile hotspot rau kev them nqi. Thov hu rau koj tus menyuam lub tsev kawm ntawv kom tau kev pab.
- Peb tes num yog ib tug tswv yim los pab cov me nyuam kawm ntawv thiab tsev neeg muaj tej yam tsis muaj tsev nyob los yog lwm yam teeb meem raws li xav tau. Peb tes num mus txog yog ib qho SPPS chaw nyob thiab txoj kev kuas kev pab cuam uas txhawb lub tsev kawm ntawv stability thiab kev kawm tau zoo rau PreK thiab cov me nyuam muaj hnub nyoog hauv ib ntus. Yog xav paub ntxiv, hu rau 651-231-0404.